XERES PA 2u (30-03-20)

Bonos díes llinguateros! Ya pasaron dos selmanes, queda menos pa volvernos a ver.
Pa que nun perdáis el vezu equí vos dexo dalgo pa que vos entretengáis. Como tábemos viendo les profesiones, vos propongo qu'escuchéis esti canciu de Pop Piquiñin y llueu faigáis un dibuxu de vosotros/as mismos/as del futuru, vestíos cola profesión qu'escoyáis. Dempúes mandáilo al mio corréu ellectrónicu evamgi@educastur.org y yo adivinaré que ye lo queréis ser. Alcordáivos que por cada xera que váis mandando acumuláis puntos que podéis canxear en clas por premios.

Una feliz selmana.
Eva

LA REMPUESTA DE LA COSADIELLA  DE LA SELMANA PASADA YE:
 Los perros lladren a los coches porque lleven un "gatu"😉

LA PRIMAVERA

¡YA LLEGÓ LA PRIMAVERA!

Déxovos esti canciu que tanto me gusta...y fixáivos bien nos páxaros que salen nél. Podéis mirar pola ventana a ver si veis dalgún. Un fuerte abrazu pa toos. Ánimu que lo táis faciendo perbién.


 

XERES 5u y 6u (30-03-20)

Bonos díes!!

Ya pasaron dos selmanes y cada vegada queda menos pa vernos.

Equí vos dexo una xera perfácil.

Xéneru y númberu, una ficha interactiva de evamgi
liveworksheets.com


ESTA SELMANA LA COSADIELLA YE:
" ¿De qué collor son les mangues del chalecu verde de Don Xoxé?"

Alcordáivos que vuestres rempuestes tienen premiu, publicar la rempuesta en los comentarios de esta entrada.

LA REMPUESTA DE LA COSADIELLA DE LA SELMANA PASADA YE:

MARGARITA😉

Que paséis bona selmana.


Eva

XERES 3u Y 4u (30-03-20)

¿Qué tal llinguateros?
Ya pasó otra selmana y veréis como enseguidina tamos nel cole toos xuntos otra vegada.

Como tuvimos coles lenteyes la selmana pasada, ésta propóngovos qu'equí (nesta entrada onde pone añadir comentarios) escribáis una receta típica asturiana, la que más vos preste a vosotros/as.

DÉXOVOS LA COSADIELLA D'ESTA SELMANA (da-y a la tiesta):

Con solo tres collores

ordeno a caún

si toos me respetaren

nun habría accidente dalgún.

Alcordáivos que vuestres rempuestes tienen premiu, publicar la rempuesta en los comentarios de esta entrada.

LA REMPUESTA DE LA COSADIELLA DE LA SELMANA PASADA YE: 

TELA😉

Que paséis bona selmana.

Eva

EDITORIAL PINTAR-PINTAR

TAMOS DE SUERTE!!!! 
La editorial asturiana Pintar-Pintar déxanos ver de baldre dalgunos de los sos llibros. Entrái na páxina y disfrutar d'ellos que son de los más prestoso. Dalgunos tenémoslos nel cole, pero podéis volver a da-yos una güeyadina.
Entrái nesti enlace, escoyéi enrriba l'idioma (asturianu) y a déxase llevar pol maxín.

http://www.digital.pintar-pintar.com/bookcase/combj

#YOQUEDOENCASA

Bonos díes!! Equí vos mando esti dibuxu perguapu de Vitor Suarez que dexó en Twitter. Animáivos a facelo,mándamelo a mio corréu evamgi@educastur.org, que llueu coles vueses semeyes podemos facer coses prestoses como un videu.

XERES PA 1u (30-03-20)

Estaciones del añu, una ficha interactiva de evamgi
liveworksheets.com

AGORA COMPLETA Y CANCIA:

Doña selmana, una ficha interactiva de evamgi
liveworksheets.com

La cosadiella d'esta selmana:
Oru paez,
plata nun ye, 
si nun lo aldivines, 
lléelo otra vez. 

LA REMPUESTA DE LA COSADIELLA  DE LA SELMANA PASADA YE:

 Los perros lladren a los coches porque lleven un "gatu"😉

Que paséis bona selmana.

Eva

TRACAMUNDEANDO DENDE CASA

Pa estos díes que tais en casa déxovos equí un enlace pa que xuguéis en "a la gueta los sueños" un requexu de Asturies.com 

http://asturies.com/alagueta/xuegos.

PA LOS NEÑOS/AS DE 5º Y 6º

Bonos díes!!

Espero que teis toos y toes bien. Nestos díes pa saber de vosotros gustaríame xugar a delles coses, entamamos coles cosadielles (adivinanzas). Ahí va una:

Ente la mar serenina
y la garita d'un pastor,
ta'l nome d'una dama
que ye la que más quiero yo.

Podéis contestar nesta misma entrada. Por cada respuesta conseguiréis un puntu, a la vuelta al colexu podréis canxealos por premios. 

La selmana que vien póngovos la respuesta.

Tuvi viendo varios videos pa ponevos n'asturianu y atopé ún que diz que nel xuegu de Minecraf (toos y toes conocéislo) ta la opción de camudar l'idioma pal Asturianu. Si tenéislu y podéis proba-ylo, ya me contáis per equi o cuando lleguemos a clas.

Espero que vos preste y vémosnos pronto. ;)

PA LOS NEÑOS/AS DE 3º y 4º

Bonos díes!!

Espero que teis toos y toes bien. Nestos díes pa saber de vosotros gustaríame xugar a delles coses, entamamos coles cosadielles (adivinanzas). Ahí va una:

"¿Qué cosa, cosadiella ye,

que ya te la dixi,

y nun sabes qué ye?"

Podéis contestar nesta misma entrada. Por cada respuesta conseguiréis un puntu, a la vuelta al colexu podréis canxealos por premios. 

La selmana que vien póngovos la respuesta.

Déxovos esti canciu que tanto vos divierte pa que paseis un bon ratu:

LES LENTEYES NON (XENTIQUINA)

https://www.youtube.com/watch?v=ngpJs076b 

Espero que vos preste y vémosnos pronto. ;)

PA LOS NEÑOS/AS DE  1º y 2º

Bonos díes!!
Espero que teis toos y toes bien. Nestos díes pa saber de vosotros gustaríame xugar a delles coses, entamamos coles cosadielles (adivinanzas). Ahí va una:

 "¿Porqué los perros lladren a los coches?"

Podéis contestar nesta misma entrada. Por cada respuesta conseguiréis un puntu, a la vuelta al colexu podréis canxealos por premios. 
La selmana que vien póngovos la respuesta.
Tamién vos dexo un capitulín de Los Bolechas que nun vimos en clas:

"El paragües de güelu"

 https://www.youtube.com/watch?v=hR0yb__nlSI


Espero que vos preste y vémonos pronto.