SELMANA DEL 27-04-20

Bonos díes llinguateros!!!!
Como estáis?? Espero que bien! ...y que si salisteis ayeri vos sirviera pa davos fuercies y seguir trabayando.
Esta selmana ye cortina, ya qu'l xueves y el vienres tócanos descansar.

Nes xeres d'esta selmana hai varies cosines :

• CANCIU DE BRAS RODRIGO
• IÑAKI ENSÉÑANOS UN CANCIU 😍 
• CUENTU "UN SUSURRU"
• COSADIELLA

Seguimos tando en contáutu a través de los comentarios y del mio corréu ellectrónicu evamgi@educastur.org

Munchos besinos gordinos.😘😘😃

IÑAKI ENSÉÑANOS UN CANCIU

Hola collacios!!! Iñaki de 2u mandóme un vídeu prestosísimu d'él tocando un instrumentu tradicional de la nuesa tierrina. 

¿Ya sabéis cúal?... mirái'l vídeu lo bien que lo fae y dexáime en comentarios qu'otros instrumentos podemos atopar n'asturies que ponen el ritmu a los nuesos cancios.

Si vos apetez  mandame dalgo pa enseñar a los demás, lo que queráis: un cuentu, un dibuxu, un canciu.... mandáimelo al correu evamgi@educastur.org 
  

BRAS RODRIGO "XUNTOS VAMOS ALGAMALO" (27-04-20)

Alcordáivos de Bras Rodrigo?? De xuru que si, fai poco vieno al cole a enseñaivos la gaita  y a pasar un bon ratu con vosotros/as. Pues n'estos momentos nos que tenemos que tar en casa, él mándanos esti videu pa danos fuercies pa seguir un poñinín más.
Disfrutáilo tanto como yo, ¡que púnxome los pelos de punta!.

Por ciertu... ¿Alcordáivos que tenía d'especial la gaita de Bras Rodrigo? Contestái a esta entruga nos comentarios y conseguir privilexios llinguateros.😁😉  

UN SUSURRU (27-04-20)

Un susurru ye un cuentu perguapu de Aída Elizabeth Falcón Montes y Alicia Varela.
Cúntanos la hestoria de Denia, una guah.a que quier viaxar a un mundu mui especial. 
A mi recuérdame un poco lo que anguaño tamos viviendo. Escuchái atentos el cuentu y dempúes contestái nos comentarios a estes entruguines:

• ¿Cómo se llega al Reinu d'Ainú?
• ¿Con quién diries tú a Ainú? Presta atención a lo que diz el cuentu, porque nun pues dir con cualquiera.

  

COSADIELLES (27-04-20)

 ¡Qué bien lo ficisteis la selmana pasada, la mayoria de vosotros aldivinasteis les cosadielles!. Pero por si hai dalgún despistáu equí déxovos les soluciones:

1. El reló
2. La lletra i
3. La lletra u 

  Darréu póngovos una nueva pa que-y deis a la tiesta:

¿QUÉ VEXETAL YE DOS VEGAES ANIMAL?

Nun escaezcáis poner la vuesa rempuesta en comentarios.😄💪

MITOPUZZLE TRASGUTREANDO

Si respondes bien les entrugues del xuegu, verás onde s'alcuentra nuestro collaciu el Trasgu. 

Por ciertu solo queda una entruga por responder, vas dexar la rempuesta en comentarios como siempre😉

¿Que ye lo qu'hai que dicir al Trasgu pa que marche de nuesa casa y dexe de tracamundiar tou?

COMO EN CASA EN NENGÚN LLAU

La editorial Impronta nun quier que dexemos de lleer en casa durante esti tiempu, asina que nos dexa ver algunos de los sos cuentos escritos n'asturianu.
Déxovos el enlace equí debaxo, pinchái nel y te llevará a la páxina d'Impronta.
Pa esta selmana pinchái nel cuentu "Como en casa en nengún llau" y disfrutar d'él. 
Respondéi en comentarios que ye lo que más vos presta de tar en casa.

https://improntaeditorial.wordpress.com/como-en-casa-en-nengun-llau/

COSADIELLES (20-04-20)

Pa da-y a la tiesta, nun hai nada meyor que les cosadielles.
Ponéi la solución nos comentarios d'esta entrada. 
Acordaivos que los comentarios tienen recompensa cuando volvamos.

La primera:

Tengo aguyes

y nun se coser,

tengo númberos

y nun se lleer.

¿Quién soi?

La segunda:

Soi un palín

mui derchín,

y na cabeza

tengo un puntín.

La tercera:

Ríu  tien una,

curuxa tien dos,

curuxu tres,

¿sabes dicime quién ye? 

NA PRIMAVERA....LOS GRILLOS

Esta selmana, "Los Grillos" de Xentiquina van acompañanos, ya que nun podemos salir a escucharlos vamos cancialos. Anque si vives cerquina d'un prau y al atapecer asómeste a la ventana a lo meyor puedes oílos. 

ESTA SELMANA TAN COLGAES VARIES ENTRAES QUE TIENEN POR TÍTULU:

- VAMOS BAILLAR EMBAXU UNA ESTRELLA (YE UN CUENTU)

- UN VIAXE PEL MUNDU (YE UN SCAPE ROOM,CREO QU'ESTA ENTRADA NUN LLEGAÍS A VELA Y  YE UN APENA, YE MUI DIVERTÍU)

- QUE LLOCURA!!! ( UN XUEGU)

- PRÉSTAME POLA VIDA ( UN CANCIU)

CUANDO ENTRÉIS NEL BLOG DA-Y P'ABAXU HASTA QUE CAMUDE LA FECHA, SI NON, PODÉIS PERDEROS COSES DIVERTÍES.

UN BESIN MUI GORDU.
EVA 😉😊💙

VAMOS BAILLAR EMBAXU UNA ESTRELLA

La escritora Fernanda Rodríguez Muguruza y la illustradora Eva Rami, dánnos la oportunidá de disfrutar d'esti cuentín que nos fala del Coronavirus y amás podemos lleelo n'asturianu.

Pincha n'esti enllaz d'embaxu y na so páxina escuelle l'idioma asturianu y ... A LLEER

https://www.evarami.com/bailaremosbajounaestrella

 

QUÉ LLOCURA!!!!!!

Vamos facer frases d'una forma divertida, tenéis dos tableros. Unu tien verbos y otru nomes.
Pa entamar necesitáis dos dados. La primera vegada que tires corresponde colos dados que tán arriba  n'horizontal. El segundu dadu o la segunda tirada son los dados que tenéis en vértical. Cuando ya tenéis los dos númberos buscái onde coiciden y el verbu que tá escritu nesi cuadru ye'l q'usaréis pa facer la frase lloca. Colos nomes fái lo mesmu...y agora a facer la fras. Si nun sabéis el significáu de la pallabra podéis pinchar equí: DALLA (Diccionariu de la Llingua Asturiana)
A ver qué ye lo vos sal. Ponéi nos comentarios les vueses frases lloques. ! A crear!!

PRÉSTAME POLA VIDA

Enantes de tener que quedar en casa, nel colexu canciábemos algunos esti canciu, que nos daba fuercies y allegría pa entamar la xera. Güei déxovoslo equí pa nun  perder esi vezu tan guapu.

SELMANA DEL 13 D'ABRIL.

Como veo que a todos vos presta facer de too, esta selmana voi facelo diferente. Propóngovos varies cosines pa que faigáis toos ensin cerralo a un ciclu: un escape, un xuegu, un cuentu, les cosadielles...
D'esta forma todos podéis trabayar perfeutamente.
Solo vos pido que m'escribais nos comentarios pa saber de vosotros y tamién podéis decime si vos presten les xeres o non. 

ESPERO QUE TOOS Y TOES TEIS PERBIÉN. UN ABRAZO ENORME.
#toovasalirbien.💪💗😉
  

DE VIAXE PEL MUNDU

BONOS DÍES LLINGUATEROS!!

Dempués d'esti descansu, volvemos a trabayar un poco pa pasar el ratu nesti momentu tán atípicu que nos tocó vivir. Ya pasó un mes y tais faciendolo perbien, seguir asina qu'esi bichín va marchar pronto, ya veréis.
Esta selmana déxovos un xuegu d'escape nomáu DE VIAXE POL MUNDU. Tenéis que dir contestando bien les entrugues que vos voi faciendo, tenéi cuidáu y contestar por orden. Enantes de entamar, lleer bien la introducción, la misión y los personaxes. Cuando la pantalla ya nun siga corriendo, da-y a la flechina que vos sale  enriba na parte drecha.
Taivos bien atentos a los númberos y nun los cabies de sitiu, alcuérdate d'ellos que los vas necesitar p'abrir la caxa fuerte qu'alcontrarás nel mapa na parte inferior a la izquierda.

ENTRAI NESTI MARAVILLOSU VIAXE Y .......¡A DISFRUTARRRR!

(Si nun véis bien el xuegu equí, entrar n'esti enlace: https://view.genial.ly/5e8cb12eff6c270e09df2de3/game-breakout-de-viaxe-pel-mundu)

ESTA SELMANA A FOLGAR!!!!!!

Buenos díes llinguateros!! 
Espero que sigáis toos perbién. Esta selmana corresponde coles vacaciones de Selmana Santa, asina que vos dexo que folguéis un poquiñín. Pero ensin escaecer lleer un ratín, facer daqué de deporte (caseru por supuestu), y xugar muchííííííííisimo.
Cuando finen les vacaciones volvemos a falar per equí, toi preparándo dellos xuegos pa pasalo en grande. 
Mandáime cosines pa saber de vosotros que me presta muncho, podéis dexar  escrito en comentarios al final de cada entrada o pol mio corréu ellectrónicu evamgi@educastur.org.
Nun olvidéis que cada rempuesta (sea la correuta o non) tien premiu, cuando volvamos disfrutaréis de la recompensa.😉

Antes de despedime déxovos les soluciones de les cosadielles:

Pa los de 5u y 6u yera: 

¿De qué collor son les mangues del chalecu verde de Don Xoxé?

Efeutivamente los chalecos nun tienen mangues, norabona Raquel!!!! y gracies a toos por participar.

Pa los de 3u y 4u:

Con solo tres collores

ordeno a caún

si toos me respetaren

nun habría accidente dalgún.

Por supuestu que yera'l semáforu, sois unos fenómenos Juan, Diego y Raquel!!!

Pa los más piquiñinos:

Oru paez,

plata nun ye, 

si nun lo aldivines, 

lléelo otra vez. 

Esta yera facilina, Diego y Juan munches gracies por participar y da-y a la tiesta, sois xeniales!!, por ciertu aldovinásteis,  yera´l plátanu.

Vémonos pronto. Un abrazu gordísmu.

Eva😘

🌈too va salir bien🌈