Bonos díes llinguateros!!!! Esta ye la cabera selmana del cursu, d'esti cursu tán especial que tocónos vivir. Quiero decivos que sois unos campeones y campeonas, que trabayasteis mui pero que mui bien. Y que ésta selmana nun tenemos más que facer memoria y disfrutar de tolo que vimos, de los cancios, de los xuegos ( nun escaezcáis la páxina de A LA GUETA LOS SUEÑOS, na que vais a atopar munches caxigaldines pa entretenevos), cuentos de PINTAR PINTAR o de IMPRONTA.
Si pincháis en los nombres en mayúscula vos lleva a les págines.
Nun quiero despedime ensin ponevos un canciu, ya sabéis lo que me gusta canciar 😊😄, escoyí esti porque llega'l branu y asina soi yo, una neña pirata.
Espero que paseís un branu mui feliz y que descanseis que vos lo tenéis más que merecido.
Munchos besinos gordinos...y pasarlo pirata na sablera.
Bonos díes llinguateros!!! Otra selmana más equí tamos dando a la llingua, ya queda poco pa les vacaciones del branu, y camenté... ¡qué meyor sitiu pa visitar agora que va llegar el bon tiempu y ya nos dexen dir a la sablera... que toles playes d'Astuires! Pero claro, nun podía decivos cuál ye la más guapa de toes y entós osurrióseme que lo que podemos facer n'elles ye un deporte. ¿A qué ya sabéis cual ye? Si nun lo sabeis mirái la presentación, onde atoparéis munches coses perinteresantes (pa verlo too, pinchái los elementos interautivos que se mueven cuando s'abre la páxina)
Pero enantes qu'entameis a ver la presentación contaime en comentarios d'esta entrada cual ye la sablera (playa) que más vos gusta a vosotros.
Agora mirái la presentación, espero que vos guste:
Full screen
Share
Show pages
ASTURIES LA MAR DE SURFER
¿FACEMOS SURF?
¿Tuvisteis atentos al pallabreru del surf? Contestái a estes cencielles entrugues:
(les modalidaes de surf ponéilas según l'orden que ponen nel pallabreru)
Otra selmana más aldininásteis la cosadiella y eso que nun yera nada fácil, sois tan llistos como esguiles!! A ver si esta selmana la sacáis porque tampoco vos lo voi poner fácil😉
Lo quieras o nun lo quieras,
detrás de ti siempre diremos,
y cuando'l camín vuelvas,
esperándote taremos.
Aquí vos la dexo pa que-y des a la tiesta, alcordáivos de ponerme en comentarios la rempuesta y nun escaezcais en poneros en contautu conmigo nel mio corréu evamgi@educastur.org si queréis contame dalgo o tenéis dalguna dulda.
Bonos díes llinguateros!! Seguimos viaxando pela nuesa tierrina. Agora que ya podemos salir un poco más, hai dalgo qu'a mi prestame abondo y ye dir de ruta colos mios neños. Tenemos la suerte n'Aturies de poder disfrutrar de munches rutes pa dir en familia, pero güei vamos centranos nuna n'especial "El camín encantáu". Paramos el viaxe n'esta ruta porque n'ella podemos ver dalgunos de los seres mitolóxicos que viven equí.
Pa facer senderismu nun hai canciu mas afayadizu qu'esti de Pop Piquiñín:
Al llegar lo primero que nos atopamos ye una reunión de Trasgos, equí los véis faciendo de les suyes:
Déxovos el mapa n'esta imaxen interautiva, pinchái nos elementos pa descubrir un poco más de los nuesos collacios mitolóxicos:
N'estes xeres perfácilines falamos más de los nuesos collacios. Alcordáivos al acabar de mandame les rempuestes al mio correu ellectrónicu evamgi@educastur.org.
Esta selmana facemos la parada nun llugar onde viven munchos animalinos, unos 200. Asina que'l canciu que vos pongo ye ún nel qu'ellos son los protagonistes y nos cuenten lo bien que viven ellí, escuchái porque nun quieren dir al zoo y contestáime en comentarios d'esta entrada ¿Qué fain los domingos ?
Bonos díes llinguateros!!!! ¿Qué tal táis? Equí seguimos una selmana más dando la llingua.
Esta vegada paramos nuno de los requexos d'Asturies que más me presta, y onde podemos facer y ver munches coses interesantes, onde la natura déxanos esfrutar con ella, siempres que-y echemos un gabitu cuidándola.
Mirái esta presentación pa descrubrir esti maravillosu paisax:
Full screen
Share
Show pages
Parque Natural
PER REDES
Un paseu
Si queréis saber más xuega colos animalinos de la viesca al xuegu la oca, cuando caigas nuna casilla con lluceru pincha nél pa saber más. Espero que vos preste aprender xugando d'elles coses de los nuesos collacios de la viesca:
Full screen
Share
regles del xuegu
META
x3
x2
x2
x2
EL
DE
LA
PA ENTAMAR A XUGAR ESCUEYE UN ANIMAL.
DA-Y AL DADU, SI LU QUIES PARAR VUELVE A DA-Y.
AVANZA'L NÚMBERU QUE TE SALGA.
SI CAES NUNA CASILLA CON LLUCERU PINCHA NÉL Y DESCUBRIRÁS COSES CURIOSES DE LOS ANIMALES DE LA VIESCA.
GANA'L PRIMERU EN LLEGAR A LA META.
¡SUERTE LLINGUATEROS!!
OCA
XUEGU
N'Asturies podemos atopar munchos animales, unos viven na viesca y otros na granxa. Lleva a cada animalín pa so casa:
Como adelanté la selmana pasada tuvi trabayando nun viaxe pela nuesa tierrina. N'estos momentos nun podemos entovía movenos muncho asina que, pa que cuando nos dexen, vamos conocer llugares que son una maravilla y que merez la pena pasar per ellos. Además tenemos la suerte de tenélos equí n'Asturies. Vos invito a visitar solo unos pocos, hai munchos más, pero nun nos va a dar tiempu velos toos.
Eso sí, si tenéis un llugar preferíu d'Asturies, el vuesu pueblu, la playa a la que vas siempre, el monte que subes colos primos.... Contáimelo nos comentarios o mandaime semeyes si queréis compartilo al mio correu evamgi@educastur.org
La primera parada vamos facela nun museo.... nun vos digo más. Pincha nes intercciones de la imaxen d'abaxo y descubre onde tamos:
"El que tien molín muel y l'otru va y vien" Con esti refrán déxovos otres dos actividaes interactives. La primera pa que toos la lleáis y contestar por los grandes 3º a 6º (tamién pa los peques más atrevidos), la otra pa los más piquiñinos 1º y 2º ( y pa los grandes más divertidos)
Pa cellebrar el Día de les Lletres Asturianes, la Oficina de Normalización Llingüística de Xixón y la Red Municipal de Bibliotecas de Gijón trabayaron en comuña de manera telemática, p'apurrivos preseos colos que vais poder averavos a la lliteratura n'asturianu.
Pinchando nel güeyu d'esta imaxen podéis entrar nel enllaz del trabayu enriba mencionáu, ellí entrái onde pon GUIA INFANTIL y pinchái na portada del llibru o llibros que queráis echái una güeyada, ...disfrutái de la llectura.
Na casina hai dalgunes curiosidades alrodiu d'esti día.
Y si pincháis na i veréis una información de la Academia de la Llingua.
Si nun yes capaz d'entrar por esti enllaz, prueba na dirección bibliotecas.gijon.es
Esta ye la xera d'esta selmana llectura y diversión. Dexáime en comentarios cual foi'l llibru que más vos prestó y porqué. Les selmanes siguientes vamos viaxar per Asturies dende casa, toi preparándovos dalgunos xuegos y visitas a llugares perguapos que tenémos na nuesa tierrina.
Nun colo ensin que sepáis les rempuestes de les cosadielles: son l'ayu y el cascoxu.
Ahhhh!!!!!! Que nun se m'escaezca decivos que munches gracies a toos por trabayar asina de bien, que sois los meyores!! y recordaivos que tamos en contautu equí nes entraes o pol mio correu evamgi@educastru.org
Cómo váis llinguateros??? Espero que bien. Déxovos les xeres pa esta selmana, a ver si vos gusten. Podéis dexame en comentarios d'esta entrada si vos presten o no, o que ye lo que más vos presta si son los cuentos, canciones, cosadielles..... Nun escaezcáis mirar toles entraes que vos pongo darréu:
L'ARCU LA VIEYA (CUENTU)
FICHA INTERACTIVA
HECTOR BRAGA (CANCIU)
COSADIELLES
Qué paséis mui bona selmana!! y falamos per equí en comentarios o tamién si queréis dicime o enseñame dalgo por piváu nel mio correu evamgi@educastur.org Ánimu! Que lo tais faciendo perbién. Muchos besinos gordinos 🌈💪💪💪🌈
