Pa cellebrar el Día de les Lletres Asturianes, la Oficina de Normalización Llingüística de Xixón y la Red Municipal de Bibliotecas de Gijón trabayaron en comuña de manera telemática, p'apurrivos preseos colos que vais poder averavos a la lliteratura n'asturianu.
Pinchando nel güeyu d'esta imaxen podéis entrar nel enllaz del trabayu enriba mencionáu, ellí entrái onde pon GUIA INFANTIL y pinchái na portada del llibru o llibros que queráis echái una güeyada, ...disfrutái de la llectura.
Na casina hai dalgunes curiosidades alrodiu d'esti día.
Y si pincháis na i veréis una información de la Academia de la Llingua.
Si nun yes capaz d'entrar por esti enllaz, prueba na dirección bibliotecas.gijon.es
Esta ye la xera d'esta selmana llectura y diversión. Dexáime en comentarios cual foi'l llibru que más vos prestó y porqué.
Les selmanes siguientes vamos viaxar per Asturies dende casa, toi preparándovos dalgunos xuegos y visitas a llugares perguapos que tenémos na nuesa tierrina.
Nun colo ensin que sepáis les rempuestes de les cosadielles: son l'ayu y el cascoxu.
Ahhhh!!!!!! Que nun se m'escaezca decivos que munches gracies a toos por trabayar asina de bien, que sois los meyores!! y recordaivos que tamos en contautu equí nes entraes o pol mio correu evamgi@educastru.org
Munchos besinos gordinos.
Eva.
Hola Eva per equi tamtos todos bien y tu? Dellos cuentos ya los conocía como Etenko, los mitos d´Asturies, lin quier snalar. Güei lleí el llibru "y de repente marchó la lluz de la lluna" había empezao a lleer el del monstruo sin corazón pero a mi ma dioi tantu mieu que tuve que dexalo.��
ResponderEliminarYa seguire lleyendo más.
Hola Iñaki!! Yo toi mui bien, con ganes de veros y poder canciar y contar cuentos xuntos. "De repente marchó la lluz de la lluna" ye uno de los mios cuentos favoritos. Alcordáivos del conxuru espantavelea pa nun sentir medrana. ;)
EliminarMunchos besinos gordinos.