VIAXAMOS PER ASTURIES (SELMANA DEL 1 AL 5 DE XUNU)

Bonos díes llinguateros!! Seguimos viaxando pela nuesa tierrina. Agora que ya podemos salir un poco más, hai dalgo qu'a mi prestame abondo y ye dir de ruta colos mios neños. Tenemos la suerte n'Aturies de poder disfrutrar de munches rutes pa dir en familia, pero güei vamos  centranos nuna n'especial "El camín encantáu". Paramos el viaxe n'esta ruta porque n'ella podemos ver dalgunos de los seres mitolóxicos que viven equí.   

Pa facer senderismu nun hai canciu mas afayadizu qu'esti de Pop Piquiñín: 

Al llegar lo primero que nos atopamos ye una reunión de Trasgos, equí los véis faciendo de les suyes:

Déxovos el mapa n'esta imaxen interautiva, pinchái nos elementos pa descubrir un poco más de los nuesos collacios mitolóxicos:

 

N'estes xeres perfácilines falamos más de los nuesos collacios. Alcordáivos al acabar de mandame les rempuestes al mio correu ellectrónicu evamgi@educastur.org.

Seres mitolóxicos, una ficha interactiva de evamgi
liveworksheets.com

¿como soi? mitoloxía, una ficha interactiva de evamgi
liveworksheets.com

COSADIELLA

 

Otra selmana más aldivinásteis la cosadiella, Si yera un llibru, sois llistos como esguiles. 

A ver si esta selmana sois a sacala:

 

¿Qué cosa ye, 

que cuanto más grande,

menos se ve?

 

Pa resolver ésta tenéis que da-y muncho a la tiesta. Nun escaezcais poner en comentarios la rempuesta.

 

O si queréis contame cualquier otra cosa, tamos en contautu per equí o pol mio correu evamgi@educastur.org.

Munchos besinos gordinos. 😊😍💪🌈🌈

SELMANA DEL 25 AL 29 DE MAYU

Esta selmana facemos la parada nun llugar onde viven munchos animalinos, unos 200. Asina que'l canciu que vos pongo ye ún nel qu'ellos son los protagonistes y nos cuenten lo bien que viven ellí, escuchái porque nun quieren dir al zoo y contestáime en comentarios d'esta entrada ¿Qué fain los domingos ?

VIAXAMOS PER ASTURIES (SELMANA DEL 25-29 DE MAYU)

Bonos díes llinguateros!!!! ¿Qué tal táis? Equí seguimos una selmana más dando  la llingua.

Esta vegada paramos nuno de los requexos d'Asturies que más me presta, y onde podemos facer y ver munches coses interesantes, onde la natura déxanos esfrutar con ella, siempres que-y echemos un gabitu cuidándola.

Mirái esta presentación pa descrubrir esti maravillosu paisax:

Si queréis saber más xuega colos animalinos de la viesca al xuegu la oca, cuando caigas nuna casilla con lluceru pincha nél pa saber más. Espero que vos preste aprender xugando d'elles coses de los nuesos collacios de la viesca:

N'Asturies podemos atopar munchos animales, unos viven na viesca y otros na granxa. Lleva a cada animalín pa so casa:

Animales, una ficha interactiva de evamgi
liveworksheets.com

Buscái nesta sopa lletres animales que tamién pues atopar n'Asturies:

Sopa lletres animales, una ficha interactiva de carmelarodrigar
liveworksheets.com

El Busgosu cuida la nuesa viesca.

N'esta xera los más piquiñinos buscái solo los nomes, alcordáivos que pueden ser de xéneru femenín: la viesca o de xéneru masculín: el Busgosu.

Pa los mayores recordáivos que los verbos son aquelles pallabres que determinen l'acción.

Esta xera nun tien autocorreición, tenéis qu'enviamela al mio corréu evamgi@educastur.org.

El busgosu, una ficha interactiva de evamgi
liveworksheets.com

COSADIELLA

Norabona a los qu'aldivinásteis la cosadiella la selmana pasada, yera la "a".

Tien fueyes y nun ye árbol.

tien llombu y nun ye caballu.

¿Qué ye?

Entamamos un viaxe que quiero acompañar con música, na primer parada Paula Rojo nos recuerda lo guapo que ye Asturies. 

Cola so canción entama la emoción:

    

Disfrutáila. ;)

VIAXAMOS PER ASTURIES

Bonos díes llinguateros!!! 

Como adelanté la selmana pasada tuvi trabayando nun viaxe pela nuesa tierrina. N'estos momentos nun podemos entovía movenos muncho asina que, pa que cuando nos dexen, vamos conocer llugares que son una maravilla y que merez la pena pasar per ellos. Además tenemos la suerte de tenélos equí n'Asturies. Vos invito a visitar solo unos pocos, hai munchos más, pero nun nos va a dar tiempu velos toos.

Eso sí, si tenéis un llugar preferíu d'Asturies, el vuesu pueblu, la playa a la que vas siempre, el monte que subes colos primos.... Contáimelo nos comentarios o mandaime semeyes si queréis compartilo al mio correu evamgi@educastur.org

La primera parada vamos facela nun museo.... nun vos digo más. Pincha nes intercciones de la imaxen d'abaxo y descubre onde tamos:

Taríeis atentos, no??

Contestái a estes entrugues perfáciles:

MUSEU DEL MOLIN, una ficha interactiva de evamgi
liveworksheets.com

"El que tien molín muel y l'otru va y vien" Con esti refrán déxovos otres dos actividaes interactives. La primera pa que toos la lleáis y contestar por los grandes 3º a 6º (tamién pa los peques más atrevidos), la otra  pa los más piquiñinos 1º y 2º ( y pa los grandes más divertidos)

Pan d'asturies, una ficha interactiva de evamgi
liveworksheets.com

Facemos pan, una ficha interactiva de evamgi
liveworksheets.com

Nun escaezcáis mandame les rempuestes al mio correu evamgi@educastur.org

COSADIELLA

 Nun fino esta xera ensin una cosadiella. Ahí va, espero vueses rempuestes:

Dos en mamà

una nel pan,

abre la boca

y dímela.

¿Qué ye?

Espero que paséis una mui bona selmana. Seguir asina de bien y gracies a toos por ser tán trabayadores/as. 

Munchos besinos gordinos.

DIA DE LES LLETRES, VIENRES 8 DE MAYU DE 2020

Pa cellebrar el Día de les Lletres Asturianes, la Oficina de Normalización Llingüística de Xixón y la Red Municipal de Bibliotecas de Gijón trabayaron en  comuña de manera telemática, p'apurrivos preseos colos que vais poder averavos a la lliteratura n'asturianu.

Pinchando nel güeyu d'esta imaxen podéis entrar nel enllaz del trabayu enriba mencionáu, ellí entrái onde pon GUIA INFANTIL y pinchái na portada del llibru o llibros que queráis echái una güeyada, ...disfrutái de la llectura.

Na casina hai dalgunes curiosidades alrodiu d'esti día. 

Y si pincháis na i veréis una información de la Academia de la Llingua.

Si nun yes capaz d'entrar por esti enllaz, prueba na dirección bibliotecas.gijon.es


Esta ye la xera d'esta selmana llectura y diversión. Dexáime en comentarios cual foi'l llibru que más vos prestó y porqué.

Les selmanes  siguientes vamos viaxar per Asturies dende casa, toi preparándovos dalgunos xuegos y visitas a llugares perguapos que tenémos na nuesa  tierrina.

Nun colo ensin que sepáis les rempuestes de les cosadielles: son l'ayu y el cascoxu.

Ahhhh!!!!!! Que nun se m'escaezca decivos que munches gracies a toos por trabayar asina de bien, que sois los meyores!! y recordaivos que tamos en contautu equí nes entraes o pol mio correu evamgi@educastru.org

Munchos besinos gordinos. 

Eva.

SELMANA DE 4 - 8 MAYU

Cómo váis llinguateros??? 
Espero que bien.  Déxovos les xeres pa esta selmana, a ver si vos gusten. Podéis dexame en comentarios d'esta entrada si vos presten o no, o que ye lo que más vos presta si son los cuentos, canciones, cosadielles.....

Nun escaezcáis mirar toles entraes que vos pongo darréu:

• L'ARCU LA VIEYA (CUENTU)
• FICHA INTERACTIVA
• HECTOR BRAGA (CANCIU)
• COSADIELLES

Qué paséis mui bona selmana!! y falamos per equí en comentarios o tamién si queréis dicime o enseñame dalgo por piváu nel mio correu evamgi@educastur.org

Ánimu! Que lo tais faciendo perbién.
Muchos besinos gordinos
🌈💪💪💪🌈

HECTOR BRAGA

Héctor Braga ye un gran músicu de la nuesa tierrina que tamién vieno a visitanos al colexu l'añu pasao. ¿Alcordáisvos? Fíxaivos vien nel video y a ver si vos alcordáis con que tocaba un canciu. Doivos una pista: con lo que Héctor tocaba tamién sirve pa la xinta la sopa. Dexái la rempuesta en comentarios como siempre😜

COSADIELLA

Mui bien!!!!!!!!!!!!!!! 
Sois llistos/as como esguiles. Otra vegada más que aldivinásteis la cosadiella.

Siiii yera el repoyu ✌😀

Déxovos más que sigáis dando a la tiesta.

Tien dientes 
y nun come, 
tien barbes,
y nun ye un home.



Llevo la casa a cuestes,
camino ensin una pata,
voi marcando la mio güella,
con un filín de plata.

De xuru que las sacáis. Alcordáivos de dexar la rempuesta en comentarios.

Sois xeniales!!!!😏😊

FICHA INTERACTIVA
Pa facer esta ficha interaciva solo tenéis que pinchar nel nome de los collores y arrastralo hasta el collor correspondiente. Cuando ya tengáis tolos collores col so nome da-y a terminado, vos saldrá una páxina con dos opciones una ye "comprobar mis respuestas", que podéis velo y la otra ye "enviar mis respuestas a mi profesor/a". pinchái nesta ultima y mandaime vueses fiches al mio correu evamgi@educastur.org, asina veré lo bien que lo sabéis.

Collores, una ficha interactiva de evamgi
liveworksheets.com

L'ARCU LA VIEYA

L'Arcu la vieya (Arcoiris) son una serie de poesies que vos escribo aprovechando esi maravillosu mundu de collores que nestos díes ta allegrándonos y que danos fuercies pa seguir tando en casina esperando a que esi bichu marche d'una vegada. Espero que vos guste.
Esta vegada propóngovos que me digáis en comentarios el vuesu collor favoritu (nun fai falta que tea nel Arcu la vieya, pue ser cualquier otru) y que con esi collor faigáis un poemina piquiñin de cuatru versos.
Sigo sumando puntinos, que nun olvidéis que podéis  cambiar por sorpresas cuando volvamos al cole (cuando sea)

Pincha nel cuentu pa velo ( y si dende equí nun lo puedes ver déxote esti enllace https://view.genial.ly/5e9c159b124e5b0d7bcfe9f0/video-presentation-larcu-la-vieya )

ALCORDÁIVOS PA QUE TOO SALGA BIEN Y TAR SEGUROS